យុវតីម្នាក់លង់ទឹកស្លាប់នៅបារាយណ៍ទឹកថ្លា ខេត្តសៀមរាប
(សៀមរាប)៖ យុវតីម្នាក់បានបាត់បង់ជីវិតភ្លាមៗដោយសារលង់ទឹក នៅចំណុចបារាយណ៍ទឹកថ្លា (បារាយណ៍ខាងលិច) ស្ថិតក្នុងសង្កាត់ទឹកវិល ក្រុងសៀមរាប ខេត្តសៀមរាប កាលពីវេលាម៉ោង ៤ រសៀល ថ្ងៃទី១៥ ខែតុលា ឆ្នាំ២០២៦។ ហេតុការណ៍ដ៏សោកសៅនេះបានបង្កការភ្ញាក់ផ្អើលដល់ប្រជាពលរដ្ឋនៅតំបន់នោះ។
ជនរងគ្រោះត្រូវបានគេស្គាល់ឈ្មោះ លុយ គឹមលាំង ភេទស្រី អាយុ ១៧ឆ្នាំ មានទីលំនៅភូមិប្រម៉ា សង្កាត់ក្របីរៀល ក្រុងសៀមរាប ខេត្តសៀមរាប។ ភ្លាមៗក្រោយកើតហេតុ កម្លាំងសមត្ថកិច្ចមូលដ្ឋានបានចុះទៅដល់កន្លែងកើតហេតុ ដើម្បីពិនិត្យ និងចាត់ចែងនីតិវិធី។
ករណីនេះបានរំលឹកជាថ្មីដល់សាធារណជន ជាពិសេសអាណាព្យាបាល ឱ្យបង្កើនការប្រុងប្រយ័ត្នខ្ពស់ចំពោះកុមារ និងយុវវ័យនៅពេលទៅលេងកម្សាន្តតាមតំបន់ទឹក ជាពិសេសបារាយណ៍ ឬកន្លែងដែលមានទឹកជ្រៅ ដើម្បីជៀសវាងគ្រោះថ្នាក់ជាយថាហេតុ។ សមត្ថកិច្ចក៏បានអំពាវនាវដល់ប្រជាពលរដ្ឋទាំងអស់ ឱ្យចូលរួមថែរក្សាសុវត្ថិភាពផ្ទាល់ខ្លួន និងក្រុមគ្រួសារជានិច្ច។

